KAYONI 117: TSINAHOTEN ENHENRON TSIYOKENRAKWARONTEH TAHNON NENNEN OHYERI NIWENNIHSERAKE OHYOTEHETSTON
Ahsen nikaseriyetakeh ne ohnekorha sewasha niyensons ne enratsteh ne Sakotatis nennen yontatiatatahaneh ne yakahonheyon. Enhenron:
"Sewatahonsiyost ne ken ihsewes, kihken ohyeronta enkarhoron. Sasewatatiatarorok kennon tsiniyoreh ne ohyeri nihwenniserakeh, tohnitsi rohson ne Sonkwayatihson tsi enwatiaken tsi yakotsennionkwen nennen ohyeri nihwenniserakeh enwatohetsteh. Toneh onen enkahkwarakeh."
Nennen enwatohetsteh ne ohyeri niwenniserakeh, ne Sakotatis enhenron:
"Sewatasonteron tsi sewatahonsateh ne kento ihsewes. Onen ontohetsteh ne ohyeri niwenniserakeh ahyontsonnionkwe tahnon onen onteh wah tsisewatehnikonraketskwen tsiniyotonneh ohenton ne sontsonkwetakenheyaseh. Ne rontatenonkwehokon wahonnereh stonha tahonateriwaserakwaseh tsinihati wahonwatiyehnawaseh tsi wahonwayatata. Kohnonweratonsera. Ne kihken onka wahekonni tsinikariwes wenheyontahereh, ohenton nahontayen tahnon ahyeyehna nahoten tenyakiriwaserakwaseh tahnon ahonsayontiyatkaweh..." (Tohnitsi enwateriwatentiaton tsiniyoreh akwekon ne wahontasniehnen wahtonwatiriwaserkwaseh.)
