KAYONI 20: NE ROYANER ONKATIOK ENSAKAHONNIASEH (ENSAKOSEHTEH)
Tohka sihken ne Royaner onkatiok ensakahonniakseh (ensakosehteh), ne rohnentiakeh Rotiyanerson ne rahonakerasera tohyenhontiatarorokeh tsinon tkahyen ne ohyehronta. Toka yatahonton toh ahontiatarorokeh tsihnon tohnontayawen, nehki nonen ohya ensatitsenhayen ne rahotinakersera tohneh enhonwariwanontonseh ne Ahsarekowa tahonsahonakararako ne kihken Royaner toniyoriwatsani watanioskenneh, "wasakoyatata ne Rohonistensera ahkowatsireh tahnon akorasetsera nohkwati niahaheh ne Royaner Kahsenna.
Ahsarekowa enhotati ne Royaner tehonioskenhen sakosehton tahnon enhenron:
"Ihseh, ..., yateskonten ne, ..., ihseh sahnentsa wasatseh! Yoriwatsani sahsateriwatewahteh ne rahoenton ne Sonkwayatihson. Skahenyon tsinatehyoswateh ne tsiyorakoteh tahnon tsi ahoswatehsera tsiyorakoteh tonsakonakararako. Sakrako tsi tehsakenkeronteh ne Skehnonton rahonakara, ne watehnientenstakwen tsinon nisehteh, tahnon ne sahsennowanatsera. Onen kati sakonrihontako tahnon enkoyakwateh tahnon kwahonenk ehrenhenseteh ne kih kennonwe niyonwentsateh ne Wisk Nikanakeraserakeh tahnon tosanowenton tentehse. Wisk Niyotionwentsakeh wahakiyatata ne sahnistensera akowatsiereh netsi Oriwakayon Rotiyaner Kahsenna yatatetiatenro ne ahehnenkwensarihron. Ken henskahawihteh ya ohnonha tehtsonawen. Kihken nihyoriwatsani watehsenioskenneh waohnati tsinenweh."
Tohneh onen ne Ahsarekowa entehsakoyon ne Kahsenna ne Kontatehkenha ahotiwatsireh tahnon enhenron:
"Takwanistenserahokon, ..., sehwatahonsiyost tsinikarihwes enkwatatih. Yohrihowanen nahoten wahkeriwayentatieh. Onen ihseh takwayon ne oriwakayon Royaner Kahsenna. Yohriwatsani tsi naohyatawen tsinikariwes rahaweh ne satsihtewarontiakeh. Onen kati, ihseh Onkwanistensera enkwaniaheseh tiotkon ahyesehwatonnikonraren tahnon entsisehwarorishekeh ne Royaner ahoriwakwarisionhakeh tahnon ahsakoretsaronhekeh ne rahonkwetasonha tiotkon kahnoronkwatserakon tahnon skennen tsi ahonnonekeh, tohsa tohnayonsayawen kihkon niyoriwatsanih."
