KAYONI 5: AHSEN NAHTENHATITSENHOTEN NE GANIENKEHAGA
Ahsen nahtenhatitsenhoten ne Ganienkehaga Kanakerasera: Tiotierentakwen ne Tehanakarine, Ostawenserentah tahnon Soskoharowane. Tekehnihaton ne Tekarihoken, Ayonwatha tanon Satekariwate. Ahsenhaton ne Sarenhowaneh, Teyonhekwen tahnon Orenrekowa.
Ne tohnatierenton nekohkne enhontahonsatateh ne tenhatitsenhoten ne tehkehnihaton tahnon ne ahsenhaton tahnon tohka tenhontehrienta-wenrieh, tohkani yatekayeri tsinitsi onteriwatenti, ensakotironkaten kahti ki tehkentarakeh, tahnon nennen entkayerihne tsinitsi enhonnohetsteh ne tehkentarakeh, tohneh non entehsakoteriwaniratseh ne tohnatierenton, tohne onen entehsakotiyon ne Tsonontowanehaga ne nonwa ensatikehenion. Nennen Tsonontowanehaga Rotiyanerson yatenhotiriwayentaseh ne Ganienkehaga Rotiyaner, tohne onen yatenhatitsenhiyakteh tsi nokwati ne Kweyonkonhaga tahnon ne Onenyotehaga tahtitskoton ne nonwa ensatikahenyon.
