KAYONI 58: ROYANER TOKANI TIHKAWENNIO ONKA ENHASERE TIHONONWENTSATEH ROTIYANERENSERISON ENHOYATONTAKONE KANONSONNIKEH
Onen kahti Wisk Nihononwantsaka Rotiyanerson tohronnehteh tehonnatatehnentsawakon tehotihnenrahnen. Ne kenton tohka onka ne Rotiyaner enhariwarako ne tsi katsenhayen tohkani ehren enrehteh ne Kanakerasera, rahonakara watehnientenstakwen tsi Royaner tehkahnehrenhatieh ne rahoyatakehnatserasonha enkehniyatotarheneh tsi tehhonatatehnentsawakon ne Rotiyanerson. Enhoti ne Kahosenna tahnon ne rahonakara entehwasenneh tsi tehokenkeroteh nektsi Kanonsonnikeh enkayentakeh.
Tohka sihken ohni tihkawenniyo kahnikayen ne Rotiyaner neh enharako ahasereh ne rahotiyanerensera ne tihononwentsateh, enhoyatontako ne Kanonsonnikeh tahnon ne onkahrehson ehnenhatiyereh ne enhontehnatonkwe "tehonatonkoton." Tohnehotiyatawen ne tikawenniyo onka tohka enhatihsereh tihononwentsateh rahotiyanerensera, akwekon enhoti nahoten ahayakwehniyokeh tahnon ahoyentakeh ne Wisk Nihononwentsakeh tahnon tsinon nihatihnakereh.
Ihseh, Wisk Nihsonwentsakeh Sehwayanerson, sehwasatstek, enkonih ne okwireh tohakaryehnenneh tsi tehsowatatehnentsawakon, yahki takakwenih tayesehwakasih tohkani tahyehsowashotarisih. Tohnitsi enkahsatstehkeh tsi enska sehwatonhon.
